வச்சுட்டான்யா...ஆப்பு
லஞ்சம் வாங்கறவங்களுக்கு...

‘ஸ்பெக்ட்ரம்’ ஊழல் குற்றச்சாட்டின் கதை

7:38 PM

a-raja தொலைத்தொடர்புத் துறை அமைச்சர் ஆ. ராசா மீதான ஒரு லட்சம் கோடி இரண்டாம் தலைமுறை ‘ஸ்பெக்ட்ரம்’ ஊழல் குற்றச்சாட்டின் கதை

பரஞ்ஜோய் குஹா தாகுர்தா  தமிழில்: கே. முரளிதரன்

ஜூன் 16-30 தேதியிட்ட The Caravan இதழில் வெளிவந்த The Kingly Fiddle கட்டுரையின் தமிழாக்கம் இது. இக்கட்டுரையின் ஆசிரியரான பரஞ்சோய் குஹா தாகுர்தா பத்திரிகையின் கன்சல்டிங் எடிட்டர். கடந்த 30 ஆண்டு காலமாக பத்திரிகை, வானொலி, தொலைக்காட்சி ஊடகங்களில் செயல்பட்டு வரும் இவர் தனித்தியங்கும் பத்திரிகையாளர்; கல்வியாளர்

கசியும் மௌனம்

கடந்த சில மாதங்களாகப் பெரும் சர்ச்சைக்குள்ளாகியிருக்கும் - சுதந்திர இந்தியா சந்தித்த மிகப் பெரிய நிதி ஊழல் என வர்ணிக்கப்படும் - 2ஜி ஸ்பெக்ட்ரம் அலைவரிசை ஊழல் தொடர்பான விவாதங்கள், சில வாரங்களுக்கு முன்னர் தில்லியிலுள்ள தொலைத்தொடர்புத் துறை அலுவலகம் மத்தியப் புலனாய்வுத் துறை அதிகாரிகளால் சோதனையிடப்பட்டதிலிருந்து, தீவிரமடைந்திருக்கின்றன. 2ஜி என அழைக்கப்படும் ‘இரண்டாம் தலை முறை’ அலைக்கற்றைகளை ஒதுக்கீடு செய்ததில் பின்பற்றப்பட்ட நடைமுறைகள் குறித்து 2008 முதல் எழுப்பப்பட்டு வரும் சந்தேகங்களுக்கு மத்தியப் புலனாய்வுத் துறை மேற்கொண்ட இச்சோதனைகள் சட்டபூர்வமான ஆதாரங்களை அளித்திருக்கின்றன. சில மாதங்களுக்கு முன்பு வரையிலும்கூட இது பற்றிய விவாதங்களுக்கு நாட்டின் முக்கிய எதிர்க்கட்சிகளோ ஊடகங்களோ பெரிய முக்கியத்துவம் அளிக்கவில்லை. தினமணி, தி நியூ இந்தியன் எக்ஸ்பிரஸ், தெகல்கா, காரவன், தி பயனீயர் போன்ற சில விதிவிலக்குகளைச் சுட்டிக்காட்டலாம் என்றாலும் நாட்டுக்குக் குறைந்தபட்சம் 50,000 கோடி ரூபாய் இழப்பு ஏற்படக் காரணமாக இருந்த ஒரு நடைமுறை குறித்து எழுப்பப்பட்ட கேள்விகளை மக்களின் கவனத்திற்குக் கொண்டுசெல்வதில் ஊடகங்களும் முக்கிய அரசியல் கட்சிகளும் காட்டிவருகிற தயக்கம், ஊழல் இந்தியாவில் விரிவும் ஆழமும் பெற்றுவருவதைச் சுட்டுகின்றது. அன்று ‘போபர்ஸ்’ தொடர்பான 64 கோடி ஊழலுக்கு இந்திய அரசியல் கட்சிகளும் ஊடகங்களும் ஆற்றிய எதிர்வினையோடு இன்றைய 50 ஆயிரம் கோடி ‘ஸ்பெக்ட்ரம்’ ஊழல் பெற்றிருக்கும் எதிர்வினைகள் ஒப்பிடப்பட வேண்டியவை.

 

மேலும் படிக்க இங்கே செல்லவும்

Read On 0 comments

நீதிபதி தினகரனுக்கு எதிராக கண்டன தீர்மானம்- பா​ஜக,​​ சமா​ஜ​வாதி,​​ இட​து​சாரி

8:52 PM

dinakaran

புது தில்லி,​​ டிச.​ 11:​ கர்​நா​டக உயர் நீதி​மன்ற தலைமை நீதி​பதி தின​க​ர​னுக்கு எதி​ராக கண்​ட​னத் தீர்​மா​னம் கொண்​டு​வ​ரக் கோரி மாநி​லங்​க​ள​வை​யைச் சேர்ந்த 50 உறுப்​பி​னர்​கள் கையெ​ழுத்​திட்​டுள்​ள​னர்.​


பா​ஜக,​​ சமா​ஜ​வாதி,​​ இட​து​சாரி கட்​சி​கள் உள்​ளிட்ட உறுப்​பி​னர்​கள் இதில் கையெ​ழுத்​திட்​டுள்​ள​னர்.​ காங்​கி​ரஸ் உறுப்​பி​னர்​கள் யாரும் இதில் கையெ​ழுத்​தி​ட​வில்லை.​


நீ​தி​பதி தின​க​ரன் உள்​ளிட்ட 5 நீதி​ப​தி​கள் உச்ச நீதி​மன்ற நீதி​ப​தி​க​ளாக நிய​மிப்​ப​தற்கு பரிந்​துரை செய்​யப்​பட்​டது.​ இந்​நி​லை​யில் நீதி​பதி தின​க​ரன் மீது நில ஆக்​கி​ர​மிப்பு தொடர்​பாக புகார் கூறப்​பட்​ட​தைத் தொடர்ந்து அவ​ரது பதவி உயர்வு தொடர்​பான பரிந்​துரை நிறுத்​தி​வைக்​கப்​பட்​டது.​


இந்​நி​லை​யில் அவர் மீது நட​வ​டிக்கை எடுக்​கக் கோரி மாநி​லங்​க​ள​வை​யைச் சேர்ந்த பாஜக உள்​ளிட்ட உறுப்​பி​னர்​கள் 50 பேர் கையெ​ழுத்​திட்டு அவைத் தலை​வ​ரி​டம் அளித்​துள்​ள​தா​கக் கூறப்​ப​டு​கி​றது.​ மாநி​லங்​க​ளவை விதிப்​படி கண்​ட​னத் தீர்​மா​னம் கொண்​டு​வர குறைந்​தது 50 உறுப்​பி​னர்​கள் கையெ​ழுத்​திட்​டால் போதும்.​ அதன் மீது நட​வ​டிக்கை எடுக்​கப்​ப​டும்.​ எனவே வரும் வாரத்​தில் இந்த கண்​ட​னத் தீர்​மா​னம் கொண்​டு​வ​ரப்​பட்டு நிறை​வேற்​றப்​ப​டும் என சில பாஜக உறுப்​பி​னர்​கள் தெரி​வித்​த​னர்.​


இந்​நி​லை​யில் கடந்த திங்​கள்​கி​ழமை நாடா​ளு​மன்​றத்​தில் பேசிய மத்​திய சட்ட அமைச்​சர் வீரப்ப மொய்லி,​​ ஏற்​கெ​னவே உள்ள விதிப்​படி,​​ நீதி​ப​திக்கு எதி​ரான புகார் குறித்து உச்ச நீதி​மன்ற தலைமை நீதி​ப​தியே விசா​ரணை செய்து நட​வ​டிக்கை மேற்​கொள்​ள​லாம் எனத் தெரி​வித்​தார்

Read On 0 comments

விளாத்திகுளத்தில் லஞ்ச ஒழிப்பு போலீசார் சோதனை

8:49 PM

தூத்துக்குடி : விளாத்திகுளத்தில் லஞ்ச ஒழிப்பு போலீசார் சோதனை செய்தபோது, கணக்கில் வராத 6,730 ரூபாய் வைத்திருந்ததாக அரசு முத்திரை ஆய்வாளர் உள்ளிட்ட மூவர் மீது வழக்குப்பதிவு செய்யப் பட்டது.தூத்துக்குடி லஞ்ச ஒழிப்பு டி.எஸ்.பி., தங்கச்சாமி தலைமையில் போலீசார் நேற்று விளாத்திகுளத்தில் தனியார் லாட்ஜில் சோதனை செய்தனர். அங்கு தங்கியிருந்த, கோவில்பட்டி அரசு முத்திரை ஆய்வாளர் திருவள்ளுவன்(41), முத்திரை கொல்லர் ராமசாமி(51), தராசு பழுதுபார்க்கும் தொழிலாளி ராமச்சந்திரன்(60) ஆகியோரிடமிருந்து கணக்கில் வராத 6,730 ரூபாய் பறிமுதல் செய்தனர். அது தொடர்பாக மூவர் மீதும் வழக்குப்பதிவு செய்யப்பட்டது

Read On 0 comments

பீகாரில் 300 அரசு அதிகாரிகள் கோடீஸ்வரர்கள்

6:31 PM

Las_Vegas_Money

பாட்னா : பீகாரில் ஊழல் பெருச் சாளிகளாக விளங்கும் அரசு அதிகாரிகளில் 300 பேர் கோடீஸ்வரர்களாக இருக்கின்றனர் என்று ஊழல் கண்காணிப்புத் துறை தெரிவித்துள்ளது. பீகார் முதல்வர் நிதிஷ்குமார், ஊழல் பெருச்சாளிகளான அரசு அதிகாரிகளை ஒழித்துவிட வேண்டும் என்பதில் தீவிரமாக இருக் கிறார். அதன் பயனாக ஆண்டுதோறும் பீகாரில் ஊழல் கண்காணிப்புத் துறையின் அதிரடியான நடவடிக்கையில் பல அரசு அதிகாரிகள் சிக்கிக் கொள்கின்றனர்.

கடந்த நான்கு ஆண்டுகளில் 596 கெஜட் அதிகாரம் உடைய அதிகாரிகள்; 632 சாதாரண அதிகாரிகள் மீது ஊழல் வழக்குப் பதியப்பட்டது. இவர்களில் 2006ல் 76 பேர்; 2007ல் 131 பேர்; 2008ல் 97 பேர்; இந்த ஆண்டு நவம்பர் வரை 71 பேர் ஆக 375 பேர் கைது செய்யப்பட்டு விசாரிக்கப் பட்டு வருகின்றனர். இவர்களில் 300 பேர் கோடிக்கணக்கான ரூபாய் மதிப்பில் சொத்துக்கள் சேர்த்திருக்கின்றனர். இப்படி வெளிப்படையாக ஊழல் கண்காணிப்பு நடவடிக்கை எடுக்கப் பட் டாலும், அதிகாரிகள் அசரவில்லை. அவர்களின் ஊழல் அதிகரித்துக் கொண்டுதான் வருகிறது. கைது செய்யப் பட்ட இத்தனை பேர்களில் இருவர் மட்டுமே பதவியிலிருந்து நீக்கப் பட்டுள்ளனர். மற்றவர்கள் இன்னும் பதவியில் தான் இருக்கின்றனர். இது குறித்து ஊழல் கண்காணிப்புத் துறையினர் கூறுகையில், "அதிகாரிகளைப் பதவியிலிருந்து தூக்க எங்களுக்கு அதிகாரம் கிடையாது. கைது செய்வது; எப்.ஐ.ஆர்., பதிவு செய் வது; விசாரணை; குற்றப் பத்திரிகை தாக்கல்; வழக்குப் பதிவு செய்வது இதுதான் எங்களது கடமை' என்று தெரிவித்தனர்

Read On 0 comments

நெடுஞ்சாலை ஆணையத்தில் சி.பி.ஐ., ரெய்டு : பின்னணியில் 'திடுக்' தகவல்கள்

5:47 PM

tblfpnnews_49413263798

சென்னை : சென்னை விமான நிலைய சரக்கு (கார்கோ) கஸ்டம்ஸ் பிரிவில் நடத்திய சோதனையை தொடர்ந்து, பல்வேறு இடங்களில் உள்ள இந்திய தேசிய நெடுஞ்சாலை ஆணைய அலுவலகங்களில் சி.பி.ஐ., அதிரடி சோதனை நடத்தி வருகிறது. இச்சோதனை மூலம் பல லட்சம் ரூபாய் லஞ்சம் பெறப் பட்டுள்ளது வெளிச்சத்திற்கு வந்துள்ளதாக கூறப்படுகிறது.

மத்திய அரசின் கட்டுப்பாட்டில் உள்ள துறைகளில், லஞ்ச வேட்டையில் ஈடுபடும் அதிகாரிகள் மீது சி.பி.ஐ., பார்வை திரும்பியுள்ளது. சென்னை துறைமுகத்தில் நடந்த சோதனையை தொடர்ந்து, லஞ்சத்தில் புரண்ட சென்னை விமான நிலைய கஸ்டம்ஸ் பிரிவில், சமீபத்தில் சி.பி.ஐ., அதிகாரிகள் அதிரடி சோதனை நடத்தி, 12 கஸ்டம்ஸ் அதிகாரிகளை கைது செய்தனர். தொடர் சோதனையில், பல்வேறு திடுக்கிடும் தகவல்கள் கிடைத்தன. ஏர்போர்ட் கார்கோ பிரிவை சி.பி.ஐ., தொடர்ந்து, ரகசியமாக கண்காணித்து வருகிறது. இந்நிலையில், சி.பி.ஐ.,யின் அடுத்த குறி இந்திய தேசிய நெடுஞ்சாலை ஆணையத்தின் மீது திரும்பியுள்ளது.

இதன் ஒரு கட்டமாக, பல்வேறு இடங்களில் உள்ள இந்திய தேசிய நெடுஞ்சாலை ஆணைய அலுவலகங்களிலும், உயர் பொறுப்பில் உள்ள அதிகாரிகளின் வீடுகளிலும் கடந்த இரண்டு தினங்களாக சி.பி.ஐ., சோதனை நடத்தி வருகிறது. இதில், நெடுஞ்சாலைத் ஆணையத்தின் முக்கிய பொறுப்பில் உள்ள அதிகாரி ஒருவரின் ஜெய்ப்பூர் வீட்டில் நடத்திய சோதனையில், பல முக்கிய ஆவணங்கள் சிக்கியுள்ளன. சில அதிகாரிகள் வருமானத்திற்கு அதிகமாக சொத்துக்களை குவித்திருப்பதும் தெரியவந்துள்ளது. முறைகேடாக சொத்து சேர்த்த அதிகாரிகளின் பட்டியலை சி.பி.ஐ., தயாரித்து வருகிறது. இதன் அடிப்படையில், சில அதிகாரிகள் மீது நடவடிக்கை எடுக்கப்படும் என்று எதிர்பார்க்கப்படுகிறது.

 

சோதனைக்கு காரணம்

கிண்டியில் இந்திய தேசிய நெடுஞ்சாலை ஆணைய அலுவலகம் இயங்கி வருகிறது. தென் மாநிலங்களின் மண்டல அலுவலகமான இங்கு, தேசிய நெடுஞ்சாலை ஆணையத்தின் சார்பில் மேற்கொள்ளப்பட்டு வரும் பல்வேறு முக்கிய திட்டங்கள் கண்காணிக்கப்பட்டு வருகின்றன. இந்த அலுவலகத்திற்கு சமீபத்தில் பொறுப்பேற்ற ஒரு உயர் அதிகாரி, திட்டப் பணிகளுக்கான பில்களை "பாஸ்' செய்வதில், காலதாமதம் செய்வதாகவும், பில் தொகையில் ஒரு குறிப்பிட்ட சதவீதம் லஞ்சமாக கேட்பதாகவும் புகார் எழுந்துள்ளது. இந்திய நெடுஞ்சாலை துறை ஆணைய அதிகாரிகள் சிலரின் இந்த போக்கால், தென் மாநிலங்களில் நடந்து வரும் இந்திய தேசிய நெடுஞ் சாலை ஆணைய திட்டப் பணிகள், பெரும்பாலானவை கடந்த சில மாதங்களாக கிடப் பில் போடப்பட்டும், மந்தமாகவும் நடந்து வருகின்றன. இது குறித்த புகார்கள் சி.பி.ஐ., அதிகாரிகளின் கவனத்திற்கு கொண்டு செல்லப்பட்டதை தொடர்ந்து, அதிரடி சோதனை மேற்கொள்ளப்பட்டுள்ளது.

சி.பி.ஐ.,யின் சோதனையின் போது, எந்தெந்த திட்டங்கள் முடங்கியுள்ளன; கான்ட்ராக்ட் நிறுவனங்களிடம் அதிகாரிகள் லஞ்சம் கேட்டுள்ளனரா; இதுவரை எவ்வளவு தொகை கைமாறியுள்ளது; கான்ட்ராக்டர்களுக்கு வழங்கப் படாமல் பாக்கி வைத்துள்ள தொகை எவ்வளவு; அதற்கான காரணம் என்ன என்பது குறித்து பல்வேறு கோணங்களில் சி.பி.ஐ., விசாரணை நடத்தியதாக கூறப்படுகிறது. இது தொடர்பாக, சில கான்ட்ராக்டர்களிடம் விசாரிக்கவும் சி.பி.ஐ., அதிகாரிகள் முடிவு செய்துள்ளனர். சி.பி.ஐ.,யின் இந்த அதிரடி நடவடிக்கையால் லஞ்ச அதிகாரிகள் கலக்கத்தில் உள்ளனர்.

இது குறித்து, நெடுஞ்சாலைத் துறை கான்ட்ராக்டர் ஒருவர் கூறுகையில், "பெரிய திட் டங்கள் படிப்படியாக நிறைவேற்றப்படுகின்றன. ஒவ் வொரு கட்டப் பணிகளும் முடிந்தவுடன், அதற்கான "பில்' நெடுஞ்சாலை ஆணைய அலுவலகத்தில் வழங்கப்படும். கடந்த சில மாதங்களுக்கு முன் வரை "பில்' வழங்கிய 10 நாட்களுக்குள் பணம் வழங்கப் பட்டது. ஆனால், தற்போது அவ்வாறு வழங்கப்படுவதில்லை. வழக்கத்தை காட்டிலும் கூடுதல் தொகையை அதிகாரிகள் லஞ்சமாக எதிர்பார்க் கின்றனர். இதனால், மாதக்கணக்கில் "பில்' செட்டில் செய்யப்படாமல் இருக்கிறது,' என்றார்.

முடங்கும் அபாயத்தில் கோயம்பேடு மேம்பாலம்: இந்திய தேசிய நெடுஞ்சாலை ஆணையம் சார்பில், சென்னை ஏர்போர்ட் எதிரே ஜி.எஸ்.டி., சாலையிலும், கத்திப்பாரா, பாடி, கோயம்பேடு ஆகிய இடங்களிலும் மேம்பாலம் அமைக்கப்பட்டன. இதில், ஏர்போர்ட், கத்திப்பாரா, பாடி மேம்பாலங்கள் கட்டி முடிக்கப்பட்டு, போக்குவரத்திற்கு திறக்கப்பட்டுள்ளன. ஆனால், கோயம்பேடு மேம்பாலம் இன்னமும் அந்தரத்தில் தொங்கிக் கொண்டிருக்கிறது. இதற்கு நெடுஞ்சாலை ஆணைய அதிகாரிகளின் மெத்தனமே காரணம் என்று தெரியவந்துள்ளது. தற்போது, கோயம்பேடு மேம்பாலப் பணியில் 500க்கும் மேற்பட்ட ஊழியர்கள் ஈடுபட்டுள்ளனர். ஊழியர்களுக்கு நாளொன்றுக்கு சம்பளமே பல லட்சம் வழங்கப்படுகிறது. கடந்த ஒரு மாதத்தில், 10 கோடி ரூபாய் அளவிற்கு பணிகள் மேற்கொள்ளப்பட்டுள்ளன. இதற்கான, "பில்' அளித்து நான்கு வாரங்கள் ஆகியும், சம்பந்தப்பட்ட கான்ட்ராக்ட் நிறுவனத்திற்கு இதுவரை பணம் வழங்கப்படவில்லை. இதனால், அடுத்த சில தினங்களில் கோயம்பேடு மேம்பால பணிகள் முடங்கும் அபாயம் ஏற்பட்டுள்ளது

Read On 0 comments

ஸ்ரீபெரும்புதூர் மின்வாரிய இளநிலைப் பொறியாளர்க்கு ஆப்பு

8:42 AM

arrest (1)

ஸ்ரீபெரும்புதூர்,டிச,9. மின் இணைப்பு வழங்க ரூ 3000 லஞ்சம் வாங்கிய மின்வாரிய இளநிலை பொறியாளர் லஞ்ச ஒழிப்புத்துறை போலீஸôரால் கைது செய்யப்பட்டார்.

ஸ்ரீபெரும்புதூர் அடுத்த தண்டலம் கிராமத்தை சேர்ந்தவர் சுப்ரமணி இவர் அதே பகுதியில் தான் புதிதாக கட்டும் வீட்டிற்கு மின் இணைப்பு வாங்குவதற்காக கடந்த நான்கு மாதத்திற்கு முன்பு தண்டலம் கிராமத்தில் உள்ள மின் அலுவலகத்தில் விண்ணப்பித்தார். விண்ணப்பித்து நான்கு மாதங்கள் ஆகியும் மின் இணைப்பு வழங்காததால் கடந்த சில நாட்களுக்கு முன்பு தண்டலம் மின் அலுவலகத்திற்கு சென்று அங்கு பணியில் இருந்த இளநிலை பொறியாளர் வெங்கடேசனிடம் தெரிவித்துள்ளார். அதற்கு வெங்கடேசன் ரூ.3000 பணம் கொடுத்தால் மின் இணைப்பு வழங்க நடவடிக்கை எடுப்பதாக தெரிவித்துள்ளார். சுப்ரமணி இதுகுறித்து சென்னை லஞ்ச ஒழிப்புத்துறை போலீஸில் புகார் தெரிவித்தார்.  இதையடுத்து புதன்கிழமை சென்னை லஞ்ச ஒழிப்பு போலீஸôர் சுப்ரமணியை ரூ 3000 பணத்தை இளநிலைப் பொறியாளர் வெங்கடேசனிடம் கொடுக்கச் சொல்லியுள்ளனர்.   இதையடுத்து சுப்ரமணியிடம் இருந்து வெங்கடேசன் பணத்தை பெற்ற போது மறைந்திருந்த லஞ்ச ஒழிப்புத்துறை போலீஸôர் வெங்கடேசனை கைது செய்து செங்கல்பட்டு நீதிமன்றத்தில் ஆஜர்படுத்தி சிறையில் அடைத்தனர்.

Read On 0 comments

ஊழலி‌ன் ஊற்று‌க்க‌ண்

6:48 PM

editinside

தலையங்கம்

உலக ஊழ‌ல் ஒழி‌ப்பு தின‌ம் எ‌ன்று ஆ‌ண்​டு‌க்​‌கொரு மு‌றை ஊழ​லு‌க்கு எதி​ரான விழி‌ப்​பு​ண‌ர்‌வை ம‌க்​க‌ள் ம‌த்​தி​யி‌ல் ஏ‌ற்​ப​டு‌த்​து​வது எ‌ன்​ப‌தே அவ​மா​ன​க​ர​மான விஷ​ய‌ம்.​ ‌கொ‌லை ‌கொ‌ள்‌ளை ஒழி‌ப்பு தின‌ம்,​​ விப​சார ஒழி‌ப்பு தின‌ம்,​​ உ‌ண்‌மை ‌பேசு‌ம் தின‌ம் எ‌ன்​‌றெ‌ல்​லா‌ம்​கூட ஏ‌ற்​ப​டு‌மோ எ‌ன்று பய​மாக இரு‌க்​கி​றது.​

ஊழ‌ல் எ‌ன்​பது உல​க​ளா​விய விஷ​ய​மா​கி​வி‌ட்​டது எ‌ன்​ப​தா‌ல் அ‌தை அ‌ன்​றாட வா‌ழ்‌க்​‌கை​யி‌ன் அ‌ம்​ச​மா​க‌வே ‌பெரு‌ம்​பா​‌லே‌ô‌ர் ஏ‌ற்​று‌க்​‌கொ‌ண்டு வி‌ட்​ட​தா​க‌த் ‌தோ‌ன்​று​கி​றது.​ ராஜா ராணி கால‌த்தி​லி​ரு‌ந்து ஆ‌ட்​சி​யா​ள‌ர்​க​ளு‌க்கு ‌நெரு‌க்​க​மாக இரு‌ந்​த​வ‌ர்​க‌ள் அதி​க‌ப்​ப​டி​யான சலு​‌கை​க‌ளை அனு​ப​வி‌ப்​பது எ‌ன்​பது புதிய விஷ​ய​ம‌ல்ல.​ அ‌தே​‌போல,​​ ஆ‌ட்​சி​யா​ள‌ர்​க​ளி‌ல் பல‌ர் குடி​ம‌க்​க​ளி‌ன் நல​‌னை‌ப் ப‌ற்​றி‌யே கவ​‌லை‌ப்​ப​டா​ம‌ல் சகல ‌சௌ​பா‌க்​கி​ய‌ங்​க​ளு​ட‌ன் ராஜ​‌போ​க​மாக ஊதாரி வா‌ழ்‌க்‌கை வா‌ழ்‌ந்த சரி‌த்​தி​ர‌ம் உல​க​ளா​விய ஒ‌ன்று.​

ஆ‌ட்​சி​‌யை​யு‌ம் அதி​கா​ர‌த்​‌தை​யு‌ம் ஒரு சில‌ர் பர‌ம்​ப‌ரை பா‌த்​தி​ய‌தை ‌கொ‌ண்​டாடி வரு​வ​‌தை​யு‌ம்,​​ குடி​ம‌க்​க​ளி‌ன் ந‌ல்​வா‌ழ்​‌வை‌ப் ப‌ற்​றிய சி‌ந்​த​‌னை‌யே இ‌ல்​லா​ம‌ல் ஆ‌ட்​சி​யா​ள‌ர்​க​ளு‌ம் அவ‌ர்​க​ளு‌க்கு ‌நெரு‌க்​க​மா​ன​வ‌ர்​க​ளு‌ம் ‌செய‌ல்​ப‌ட்டு வரு​வ​‌தை​யு‌ம் பா‌ர்‌த்து ம‌க்​க‌ள் ‌கொதி‌த்து எழு‌ந்​த​த‌ன் வி‌ளை​வு​தா‌ன் ம‌ன்​ன‌ர் ஆ‌ட்​சி‌க்கு மு‌ற்​று‌ப்​பு‌ள்ளி ‌வை‌க்​க‌ப்​ப‌ட்​ட​து‌ம்,​​ ம‌க்​க​ளா‌ட்சி மல‌ர்‌ந்​த​து‌ம்.​ நியா​ய​மா​க‌ப் பா‌ர்‌த்​தா‌ல் ம‌க்​க​ளா‌ட்​சி​யி‌ல் ல‌ஞ்​ச‌ம்,​​ ஊழ‌ல்,​​ அதி​கார து‌ஷ்​பி​ர​‌யோ​க‌ம்,​​ ஒரு சில‌ர் தனி‌ச் சலு​‌கை​க‌ள் ‌பெறு​வது ‌போ‌ன்​ற​வ‌ற்​று‌க்‌கே இட‌ம் இரு‌க்​க​லா​காது.​

ஆ‌ட்சி மு‌றை மாறி​ய‌தே தவிர ம‌ன்​ன​ரா‌ட்​சி​யி‌ன் தவ​று​க​ளு‌ம் கு‌றை​பா​டு​க​ளு‌ம் க‌ளை​ய‌ப்​ப‌ட்​ட​னவா எ‌ன்று ‌கே‌ட்​டா‌ல் உத‌ட்​‌டை‌ப் பிது‌க்க ‌வே‌ண்டி இரு‌க்​கி​றது.​ பர‌ம்​ப‌ரை ஆ‌ட்​சி‌க்​கு‌க்​கூட ம‌க்​க​ளா‌ட்​சி​யி‌ல் மு‌ற்​று‌ப்​பு‌ள்ளி ‌வை‌க்க முடி​யாத நி‌லை‌மை.​ ஜா‌ர் ம‌ற்​று‌ம் பதி​‌னெ‌ட்​டா‌ம் லூயி ம‌ன்​ன‌ர்​க​ளு‌க்​கு‌ப் பதி​லாக ஹி‌ட்​ல‌ர்,​​ மு‌சோ​லினி,​​ இடி அமி‌ன் எ‌ன்று ச‌ர்​வா​தி​கா​ரி​க​ளு‌ம்,​​ ம‌க்​க​‌ளை‌ப் ப‌ற்​றிய கவ​‌லை‌யே இ‌ல்​லா​ம‌ல் த‌ங்​க​ளது மன‌ம் ‌போன ‌போ‌க்​கி‌ல் நட‌ந்த ஆ‌ட்​சி​யா​ள‌ர்​க​ளு‌ம் ம‌க்​க​ளா‌ட்​சி​யி​லு‌ம் ‌தொட‌ர்​வ​து​தா‌ன் ‌வேடி‌க்‌கை.​

வள‌ர்‌ச்சி அ‌டை‌ந்த நாடு​க‌ள்,​​ வள‌ர்‌ச்சி அ‌டை​யாத நாடு​க‌ள் எ‌ன்​கிற ‌வேறு​பா‌டே இ‌ல்​லா​ம‌ல்,​​ ம‌க்​க​ளா‌ட்சி,​​ ச‌ர்​வா​தி​கார ஆ‌ட்சி,​​ ராணுவ ஆ‌ட்சி எ‌ன்​‌றெ‌ல்​லா‌ம் வி‌த்​தி​யா​ச‌ம் பாரா​ம‌ல் எ‌ங்​கு‌ம் எ‌ல்லா இட‌த்​து‌ம் நீ‌க்​க​மற நி‌றை‌ந்​தி​ரு‌க்​கு‌ம் பர‌ம்​‌பொ​ரு‌ள்​‌போல ல‌ஞ்​ச​மு‌ம்,​​ ஊழ​லு‌ம்,​​ அதி​கார து‌ஷ்​பி​ர​‌யோ​க​மு‌ம்,​​ தனி​ந​ப‌ர் சலு​‌கை​க​ளு‌ம் பர‌ந்து விரி‌ந்​தி​ரு‌ப்​பது மனித சமு​தா​ய‌த்​து‌க்‌கே கள‌ங்​க​மா​க​வு‌ம் அவ​மா​ன​மா​க​வு‌ம் ‌தொட‌ர்​கி​றது.​

ல‌ஞ்ச ஊழ​‌லை‌ப் ‌பொறு‌த்​த​வ‌ரை ஒரு ‌வேடி‌க்​‌கை​யான விஷ​ய‌ம் எ‌ன்​ன​‌வெ‌ன்​றா‌ல்,​​ இது படி‌த்​த​வ‌ர்​க​ளி‌ன் தனி‌ச்​‌சொ‌த்து எ‌ன்​ப​து​தா‌ன்.​ கிரா​ம‌ங்​க​ளி‌ல் படி‌க்​காத ஏ‌ழை விவ​சா​யி‌யோ,​​ ‌தொழி​லா​ளி‌யோ ல‌ஞ்​ச‌ம் வா‌ங்​க​வு‌ம்,​​ ஊழ‌ல் ‌செ‌ய்​ய​வு‌ம் வா‌ய்‌ப்‌பே இ‌ல்​லா​த​வ‌ர்​க‌ள்.​ அரசு அலு​வ​ல‌ர்​க​ளா​னா​லு‌ம்,​​ காவ‌ல்​து​‌றை​யி​ன​ரா​னா​லு‌ம் அவ‌ர்​க‌ள் படி‌த்​த​வ‌ர்​க‌ள்.​ அவ‌ர்​க‌ள்​தா‌ன் ல‌ஞ்​ச‌ம் வா‌ங்​கு​கி​றா‌ர்​க‌ள்.​ அ‌ப்​பாவி ஏ‌ழை​க​ளு‌ம்,​​ படி‌ப்​ப​றி​வி‌ல்​லா​த​வ‌ர்​க​ளு‌ம்,​​ சாமா​னி​ய‌ர்​க​ளு‌ம்,​​ நடு‌த்​தர வ‌ர்‌க்​க‌த்​தி​ன​ரு‌ம் இ‌ந்​த‌ப் படி‌த்த "கன'வா‌ன்​க​ளி‌ன் ‌பேரா​‌சை‌க்​கு‌த் தீனி ‌போட ‌வே‌ண்​டிய நி‌ர்​ப‌ந்​த‌ம்.​

பிகா​ரி‌ல் முத‌ல்​வ‌ர் நிதீ‌ஷ் குமா‌ர் பதவி ஏ‌ற்​ற​து‌ம் ஊழ​லு‌க்கு எதி​ரா​க‌க் கடு‌ம் நட​வ​டி‌க்​‌கை​க‌ளை ‌மே‌ற்​‌கொ‌ண்​டா‌ர்.​ ல‌ஞ்​ச‌ம் வா‌ங்​கு‌ம்​‌போது ‌கையு‌ம் கள​வு​மா​க‌ப் பிடி​ப‌ட்டு,​​ ​ ‌கைது ‌செ‌ய்​ய‌ப்​ப‌ட்ட 365 அரசு ஊழி​ய‌ர்​க​ளி‌ல் 300 ‌பேரு‌க்​கு‌ம் அதி​க​மா​ன​வ‌ர்​க‌ள் ‌கோடீ‌ஸ்​வ​ர‌ர்​க‌ள் எ‌ன்​பது ​ விசா​ர​‌ணை​யி‌ல் ‌தெரிய வ‌ந்​தது.​

கட‌ந்த நா‌ன்கு ஆ‌ண்​டு​க​ளி‌ல்,​​ சுமா‌ர் 1000 அரசு உய‌ர் அதி​கா​ரி​க‌ள் ம‌ற்​று‌ம் ஊழி​ய‌ர்​க‌ள்​மீது வழ‌க்​கு‌த் ‌தொட​ர‌ப்​ப‌ட்​டி​ரு‌க்​கி​றது.​ இவ‌ர்​க​ளி‌ல் சில‌ர் சி‌றை‌த் த‌ண்​ட​‌னை​யு‌ம் அனு​ப​வி‌த்​த​வ‌ர்​க‌ள்.​ ஆனா​லு‌ம் இவ‌ர்​க​ளி‌ல் ஒ‌ன்​றி​ர‌ண்டு கண‌க்​க‌ர்​க​ளு‌ம்,​​ க‌டை​நி‌லை ஊழி​ய‌ர்​க​ளு‌ம் தவிர யாரு‌ம் பதவி நீ‌க்​க‌ம் ‌செ‌ய்​ய‌ப்​ப​ட​வி‌ல்‌லை.​ வழ‌க்​கு​க‌ள் ‌தொட​ர‌ப்​ப‌ட்டு நட‌ந்து ‌கொ‌ண்​டி​ரு‌க்​கி‌ன்​ற​ன‌வே தவிர தீ‌ர்‌ப்பு எழு​த‌ப்​ப​ட​வி‌ல்‌லை.​ இவ‌ர்​க​‌ளை‌ப் பதவி நீ‌க்​க‌ம் ‌செ‌ய்ய ‌மேல​தி​கா​ரி​க‌ள் தயா​ரு​மி‌ல்‌லை.​ பிகா​ரி‌ல் ம‌ட்​டு​ம‌ல்ல,​​ இ‌ந்​தியா முழு​வ​து‌மே உ‌ள்ள நி‌லை‌மை இது​தா‌ன்.​

ஐ‌ம்​ப​து​க​ளி‌ல் உ‌ள்​து‌றை அ‌மை‌ச்​ச​ராக இரு‌ந்த கு‌ல்​ஜா​ரி​லா‌ல் ந‌ந்​தா​வி‌ல் ‌தொட‌ங்கி எ‌த்​த‌னை எ‌த்​த​‌னை‌யோ பிர​த​ம‌ர்​க​ளு‌ம்,​​ உ‌ள்​து‌றை அ‌மை‌ச்​ச‌ர்​க​ளு‌ம்,​​ அர​சி​ய‌ல் த‌லை​வ‌ர்​க​ளு‌ம் ஊழ​லு‌க்கு எதி​ரா​க‌ப் ‌போ‌ரை அறி​வி‌த்து விள‌ம்​ப​ர‌ம் ‌தேடி‌க் ‌கொ‌ண்​டா‌ர்​க‌ளே தவிர ஊழ‌ல் ஒழி​ய​வு‌ம் இ‌ல்‌லை.​ ஊழ​லு‌க்கு எதி​ரான வா‌ய் சவ​டா‌ல் கு‌றை​ய​வு​மி‌ல்‌லை.​

அர​சி​ய‌ல் த‌லை​வ‌ர்​க​ளி‌ன் ஊழ​‌லை‌க்​கூ​ட‌ப் புரி‌ந்து ‌கொ‌ள்​ள​லா‌ம்.​ ‌தே‌ர்​த​லு‌க்​கு‌ச் ‌செலவு ‌செ‌ய்த பண‌த்‌தை ல‌ஞ்​ச‌ம் வா‌ங்கி ஈடு​க‌ட்டி,​​ அடு‌த்த ‌தே‌ர்​த‌ல்​க​ளு‌க்​கான பண‌த்​‌தை‌ச் ‌சே‌ர்‌த்து ‌வை‌க்க முய‌ற்​சி‌க்​கி​றா‌ர்​க‌ள் எ‌ன்று சமா​தா​ன‌ம் ‌சொ‌ல்ல முடி​யு‌ம்.​ ‌கொ‌ள்‌ளை அடி‌த்​து‌க் ‌கொ‌ள்​ள​வு‌ம்,​​ ல‌ஞ்​ச‌ம் வா‌ங்​கி‌க் ‌கொ‌ள்​ள​வு‌ம் ம‌க்​க‌ள் அவ‌ர்​க​ளு‌க்கு வா‌க்​க​ளி‌த்து அனு​மதி வழ‌ங்கி இரு‌க்​கி​றா‌ர்​க‌ள் எ‌ன்று மன​‌தை‌த் ‌தே‌ற்​றி‌க் ‌கொ‌ள்​ள​லா‌ம்.​

ஆனா‌ல்,​​ ம‌க்​க​ளி‌ன் வரி‌ப்​ப​ண‌த்​தி‌ல் ச‌ம்​ப​ள‌ம் வா‌ங்​கு‌ம் அரசு அதி​கா​ரி​க‌ள்,​​ ம‌க்​க​ளி​ட‌மே ல‌ஞ்​ச‌ம் வா‌ங்​கு​வது எ‌ந்த வித‌த்​தி‌ல் நியா​ய‌ம்?​ வா‌ங்​கு‌ம் ச‌ம்​ப​ள‌ம் த‌ங்​க​ளது தகு​தி‌க்​கு‌ம் திற​‌மை‌க்​கு‌ம் ஏ‌ற்​ற​தாக இ‌ல்​‌லை​‌யெ‌ன்​றா‌ல் ராஜி​நாமா ‌செ‌ய்​து​வி‌ட்டு ‌வேறு ‌வே‌லை பா‌ர்‌த்​து‌க் ‌கொ‌ள்​வ​து​தா‌னே?​ ம‌க்​க​ளா‌ட்​சி​யி‌ல் ம‌க்​க​ளு‌க்​காக உ‌ழை‌ப்​ப​த‌ற்​காக ம‌க்​க​ளா‌ல் ச‌ம்​ப​ள‌ம் ‌கொடு‌த்து நிய​மி‌க்​க‌ப்​ப‌ட்​டி​ரு‌க்​கு‌ம் ‌வே‌லை‌க்​கா​ர‌ர்​க‌ள்,​​ ம‌க்​க​ளி‌ன் ‌கோரி‌க்​‌கை‌யை நி‌றை​‌வே‌ற்ற ம‌க்​க​ளி​ட‌மே ல‌ஞ்​ச‌ம் வா‌ங்​கு​வது தடு‌க்​க‌ப்​ப‌ட்​டா‌ல் ஒழிய,​​ ல‌ஞ்​ச​மு‌ம் ஊழ​லு‌ம் அ‌ன்​றாட வா‌ழ்‌க்​‌கை​யி‌ன் ​ அ‌ங்​க​மா​க‌த் ‌தொட‌ர்​வ​‌தை‌த் தடு‌க்க முடி​யாது.​

ல‌ஞ்​ச​மு‌ம் ஊழ​லு‌ம் படி‌த்​த​வ‌ன் ‌செ‌ய்​யு‌ம் தவறு.​ "இவ​‌னெ‌ல்​லா‌ம் படி‌த்​தா‌ல் எ‌ன்ன,​​ படி‌க்​கா​ம‌ல் ‌போனா‌ல் எ‌ன்ன?​' எ‌ன்று ‌கே‌ட்​க‌த் ‌தோ‌ன்​று​கி​றதா?​ படி‌க்​கா​வி‌ட்​டா‌ல் ல‌ஞ்​ச‌ம் வா‌ங்க முடி​யா‌தே...!

Read On 0 comments

சேலம் 'டான்மாக்' உதவி மேலாளருக்கு ஆப்பு

6:02 PM

tblSambavamnews_65926760436

சேலம் : கான்ட்ராக்டரிடம் ஒப்பந்த "பில் பாஸ்' செய்ய, 10 ஆயிரம் ரூபாய் லஞ்சம் வாங்கிய "டான்மாக்' உதவி மேலாளரை, லஞ்ச ஒழிப்பு பிரிவு போலீசார் கைது செய்தனர்.

சேலம் அருகே தேக்கம்பட்டியை சேர்ந்தவர் சங்கர்(40). இவர், தமிழ்நாடு மேக்னசைட் நிறுவனத்தில் (டான்மாக்) வெள்ளைக்கல் தரம் பிரிக்கும் ஒப்பந்த பணி செய்கிறார். "டான்மாக்'கில் உதவி மேலாளராக பணியாற்றுபவர் பாலு(44). இவர், சங்கர் மேற்கொள்ளும் ஒப்பந்த பணிக்கான பில்லை "பாஸ்' செய்யும் பொறுப்பில் உள்ளார். ஒவ்வொரு மாதமும், சங்கர் மேற்கொள்ளும் ஒப்பந்த பணிக்கான "பில்'லை உதவி மேலாளர் பாலு "பாஸ்' செய்து வந்தார். கடைசியாக சங்கர் மேற்கொண்ட ஒப்பந்த பணிக்கான "பில்' பாஸ் செய்யாமல் நிலுவையில் இருந்தது. ஒப்பந்த பணிக்கான தொகையை "பாஸ்' செய்ய, சங்கரிடம் 10 ஆயிரம் ரூபாய் லஞ்சம் கேட்டார் பாலு. இதுகுறித்து, சங்கர் சேலம் லஞ்ச ஊழல் தடுப்பு பிரிவு போலீசில் புகார் செய்தார். அவர்கள் அறிவுரைப்படி, சங்கர், ரசாயனம் தடவிய 10 ஆயிரம் ரூபாய் நோட்டுகளை பாலுவிடம் கொடுத்தார். அதை அவர் வாங்கிய போது, அங்கு மறைந்திருந்த லஞ்ச ஒழிப்பு பிரிவு போலீசார் பாலுவை கைது செய்தனர்

Read On 0 comments

தாம்பரம் துணை நில ஆய்வாளருக்கு ஆப்பு: ரூ.10 ஆயிரம் லஞ்சம்

6:00 PM

tblSambavamnews_68372744322

சென்னை : இலவச வீட்டுமனை பட்டா வழங்குவதற்கு, 10 ஆயிரம் ரூபாய் லஞ்சம் வாங்கிய துணை நில ஆய்வாளரை, லஞ்ச ஒழிப்புத்துறை போலீசார் கையும், களவுமாக கைது செய்தனர்.

இதுகுறித்து போலீசார் கூறியதாவது: ஜல்லடியன்பேட்டையைச் சேர்ந்தவர் தனசேகர்(42). பி.எஸ்.என்.எல்.,லில் பணிபுரிந்து வருகிறார். குடியிருக்கும் வீட்டிற்கு, சொந்த பெயரில் இலவச வீட்டுமனை பட்டா பெறுவதற்காக, தாம்பரம் நத்தம் நில வரித்திட்டம், துணை நில ஆய்வாளர் கபிலனை(52) அணுகினார். பட்டா வழங்குவதற்கு கபிலன், 50 ஆயிரம் ரூபாய் லஞ்சம் கேட்டுள்ளார். இதில் முன்பணமாக 10 ஆயிரம் ரூபாய் நேற்றும், மீதி 40 ஆயிரம் ரூபாயை வரும் வெள்ளிக்கிழமை அன்றும் தரும்படி தனசேகரிடம் கூறினார். இதுகுறித்து தனசேகர், லஞ்ச ஒழிப்புத்துறை போலீசாரிடம் புகார் தெரிவித்தார். லஞ்ச ஒழிப்புத்துறை, சென்னை நகர் பிரிவு-1 டி.எஸ்.பி.,க்கள் நடராஜன், திருநாவுக்கரசு, இன்ஸ்பெக்டர்கள் சுரேஷ், கஜேந்திரவரதன், குமரகுருபரன், லட்சுமிகாந்தன் ஆகியோர் நேற்று காலை தாம்பரம் தாசில்தார் அலுவலகத்தில் மறைந்திருந்து கண்காணித்தனர்.

தாசில்தார் அலுவலகம் அருகே உள்ள டீ கடைக்கு தனசேகரை வரவைத்த கபிலன், லஞ்சப் பணம் 10 ஆயிரம் ரூபாயை வாங்கினார். மறைந்திருந்த லஞ்ச ஒழிப்புத்துறை போலீசார் கபிலனை கையும், களவுமாக கைது செய்தனர். கபிலனிடம் தொடர்ந்து நடத்தப்பட்ட சோதனையில், கபிலனின் பாக்கெட்டில் இருந்த 26 ஆயிரத்து 800 ரூபாயையும் லஞ்ச ஒழிப்புத்துறை போலீசார் பறிமுதல் செய்தனர். பின், கபிலனை கோர்ட்டில் ஆஜர்படுத்தி, சிறையில் அடைத்தனர்

Read On 0 comments

மனுவை தொலைத்த அதிகாரிகள் : இழப்பீடு வழங்கியது மத்திய தகவல் கமிஷன்

7:02 PM

 

makalgraph

சென்னை:தகவல் அறியும் உரிமை சட்டத்தின் கீழ் சமர்ப்பிக்கப்பட்ட மேல் முறையீட்டு மனுவை தாலைத்துவிட்டு, மனுதாரரை சென்னைக்கும் டில்லிக்கும் அலைக்கழித்த விஷயத்தில், பாதிக்கப்பட்டவருக்கு மத்திய தகவல் கமிஷன் 5,000 ரூபாய் இழப்பீடு வழங்கியுள்ளது.சென்னை துறைமுகத்தில் அதிகாரியாக பணிபுரிந்து ஓய்வு பெற்றவர் சண்முகநாதன். இவர் கடந்த 2006ம் ஆண்டு, ஜூன் 26ம் தேதி மத்திய தகவல் அதிகாரி, கப்பல் மற்றும் போக்குவரத்து துறை அமைச்சகத்திடம் துறைமுக அதிகாரிகளுக்கான "வேஜ் ரிவிஷன் கமிட்டி' கொடுத்த ஒரு பரிந்துரை சம்பந்தமாக தகவல் அறியும் சட்டத்தின் கீழ் சில தகவல்களை கேட்டார். இதற்கு பதில் இல்லை. பின், மேல்முறையீடு செய்தார். அதற்கும் பலன் இல்லை.கடந்த 2006ல் மத்திய தகவல் கமிஷனில் மேல் முறையீடு செய்தார். அப்போதும், அவரது கோரிக்கை நிறைவேறவில்லை.

இதையடுத்து, கடித நகலுடன், சண்முகநாதன் தனது மேல்முறையீட்டு மனுவை இணைத்து, இந்த மனு மீது எடுக்கப்பட்ட நடவடிக்கை குறித்து பதில் கேட்டார். கிட்டத்தட்ட 480 நாட்கள் கழித்து, தனது மனு மீதான நடவடிக்கை குறித்து மீண்டும் தகவல் கேட்டார்.இதற்கு, "விண்ணப்பதாரரின் மனுவை தேடினோம். கிடைக்கவில்லை' என, மத்திய தகவல் கமிஷன் அதிகாரிகள் பதில் அளித்தனர். இதையடுத்து, தனது மேல்முறையீட்டு மனுவும், தான் அனுப்பிய 11 கடிதங்களும் கிடைத்ததா, இல்லையா என்று தகவல் தரும்படி "அப்பெல்லெட் அத்தாரிட்டிக்கு' சண்முகநாதன் மேல்முறையீடு செய்தார்.இதையடுத்து, சண்முகநாதனை டில்லியில் உள்ள மத்திய தகவல் கமிஷன் அலுவலகத்தில் நேரில் ஆஜராக வேண்டும் என கடிதம் அனுப்பினர். சண்முகநாதன் நேரில் ஆஜராகி,"மேல்முறையீட்டு மனுவும், கடிதங்களும் கிடைத்தன. பின், அந்த மனு தவறிவிட்டது' என, உத்தரவாதம் பெற்றுக் கொண்டார்.இது குறித்து, "தினமலர்' நாளிதழ் செய்தி வெளியிட்டது. இதனால், உற்சாகமும், தெம்பும் அடைந்த சண்முகநாதன், நீதி கேட்கும் தனது போராட்டத்தை தீவிரப்படுத்தினார்.

மத்திய தகவல் கமிஷனுக்கு சண்முகநாதன் அனுப்பிய ஒரு மனுவில், "இந்த வழக்கில் டில்லியில் உள்ள மத்திய தகவல் கமிஷனுக்கு நேரில் செல்ல போக்குவரத்து செலவு, உணவு, தங்கும் செலவு, விரைவு தபால் அனுப்பிய செலவு, துறைமுகத்திற்கு நேரில் சென்ற ஆட்டோ கட்டணம் உட்பட, எனக்கு 15 ஆயிரம் ரூபாய் செலவானது. இதை மத்திய தகவல் கமிஷன் வழங்க வேண்டும்' என்று கேட்டிருந்தார்.இது குறித்து, விரிவான விசாரணை நடத்திய மத்திய தகவல் கமிஷனர் திவாரி, சண்முகநாதனுக்கு இழப்பீட்டு தொகையாக 5,000 ரூபாய் வழங்க கடந்த செப்டம்பர் மாதம் உத்தரவிட்டார். இந்த தொகையை இரண்டு வார காலத்திற்குள் வழங்க வேண்டும் என்று உத்தரவில் குறிப்பிட்டிருந்தார். இதையடுத்து, சண்முகநாதனுக்கு மத்திய தகவல் அளிக்கும் அதிகாரி, 5,000 ரூபாய் இழப்பீட்டுத் தொகை வழங்கினார்.

இந்த சம்பவத்தின் மூலம் மத்திய தகவல் கமிஷனில் உள்ள குளறுபடி வெளிச்சத்திற்கு வந்துள்ளது.சண்முகநாதன் கூறுகையில், "தகவல் கேட்டு விண்ணப்பித்த 30 நாட்களுக்குள் தகவல் அளிக்காவிட்டால் ஒவ்வொரு நாளுக்கும் 250 ரூபாய் அபராதம் கொடுக்க வேண்டும் என்று சட்டத்தில் கூறப்பட்டுள்ளது. ஆனால், இந்த சம்பவத்தில், மத்திய தகவல் கமிஷன், விண்ணப்பித்த 522 நாட்களுக்கு பிறகே மனுவை தொலைத்துவிட்ட உண்மையை ஒப்புக் கொண்டுள்ளது. மேலும், இந்த மனு மீது நடவடிக்கை எடுத்து முடிவு சொல்ல 577 நாட்கள் ஆகிவிட்டன' என்றார்.

விடா முயற்சிக்கு கிடைத்த வெற்றி!:தகவல் அறியும் உரிமை சட்டம், பகலில் கிடைத்த இரண்டாவது சுதந்திரம் என்பது சண்முகநாதன் விஷயத்தில் நிரூபணமாகியுள்ளது. விடாது போராடி, மத்திய தகவல் கமிஷன் வரை தனது பிரச்னையை கொண்டு சென்று, இழப்பீடும் பெற்றார். மேலும், அவரின் இந்த முயற்சியின் பலனாக நாட்டின் 11 பெரிய துறைமுகங்களில் பணிபுரியும் 1,000க்கும் மேற்பட்ட அதிகாரிகளும் பயன் அடைந்துள்ளனர். சண்முகநாதனின் முயற்சியால், கடந்த 1997ம் ஆண்டு முதல் அந்த அதிகாரிகளுக்கு சம்பள உயர்வு தர கப்பல் போக்குவரத்து துறை உத்தரவிட்டுள்ளது. உச்சக்கட்டமாக, மத்திய தகவல் கமிஷன், முறையாக தகவல் அளிக்க தவறிய கப்பல் போக்குவரத்து துறை அமைச்சகத்தை கடுமையாக எச்சரித்துள்ளது குறிப்பிடத்தக்கது.

Read On 0 comments

திருப்பூர் வி.ஏ.ஓ., சஸ்பெண்ட்: வீடியோ ஆதாரத்தால் சிக்கினார்

6:39 PM

 

Beggar Extends his hand for Money

திருப்பூர்:திருப்பூரில் சிட்டா அடங்கல் வழங்க 4,500 ரூபாய் லஞ்சம் பெற்ற வி.ஏ.ஓ.,வை சஸ்பெண்ட் செய்து, ஆர்.டி.ஓ., சையத் ஹூமாயூன் உத்தரவிட்டார். நில அளவையர் சண்முகம் பணியிட மாற்றம் செய்யப்பட்டுள்ளார்.திருப்பூர் தாராபுரம் ரோடு நாச்சிமுத்து கவுண்டர் லே-அவுட் பகுதியைச் சேர்ந்தவர் ஜீவானந்தம். இவர், திருப்பூர் தாலுகா அலுவலகம் நில அளவைத் துறைக்கு சிட்டா அடங்கல் கோரி விண்ணப்பித்தார். நகர வி.ஏ.ஓ., பொன்னுசாமி மற்றும் நில அளவையர் சண்முகம் ஆகியோர் சிட்டா அடங்கல் வழங்க தாமதம் செய்து, ஒரு மாதம் காலம் கடத்தினர். பின், 25 ஆயிரம் ரூபாய் லஞ்சமாகக் கேட்டுள்ளனர்.

பக்ரீத் அரசு விடுமுறை தினத்தில், ஜீவானந்தத்தின் வீட்டுக்கு, வி.ஏ.ஓ., பொன்னுசாமி, நில அளவையர் சண்முகம் உதவியாளர்களுடன் வந்து இடத்தை அளந்தனர். பின், லஞ்சமாகக் கேட்ட பணத்தை தரும்படி பேசினர். பேரத்துக்கு பின், 20 ஆயிரமாக லஞ்சப் பணம் குறைக்கப்பட்டு, முன்பணமாக 4,500 ரூபாயை தன் வீட்டுக்கு வெளியே ஜீவானந்தம், வி.ஏ.ஓ.,விடம் கொடுத்தார். இதை, ஜீவானந்தத்தின் சகோதரர் சுப்ரமணியன், வீடியோவில் பதிவு செய்து கொண்டார்.வி.ஏ.ஓ., லஞ்சம் பெற்றது தொடர்பாக, வீடியோ ஆதாரத்துடன் கலெக்டருக்கு புகார் அனுப்பப்பட்டது. இது தொடர்பாக வி.ஏ.ஓ., பொன்னுசாமியை ஆர்.டி.ஓ., சையத் ஹூமாயூன் சஸ்பெண்ட் செய்து உத்தரவிட்டார். நில அளவையர் சண்முகம் இட மாற்றம் செய்யப்பட்டு, அவரிடம் சம்பவம் தொடர்பாக விளக்கம் கோரப்பட்டுள்ளது. மேலும் விசாரணை நடக்கிறது

Read On 0 comments

அரசு அலுவலர்கள் சொத்துக்கணக்குகளை வெளியிட பொதுநல வழக்கு

1:53 AM

 

mchozhan2

அரசு அலுவலர்கள் தங்களது சொத்து கணக்குகளை வெளியிட உத்தரவிட வேண்டும் என்று மதுரை ஐகோர்ட்டில் பொதுநல வழக்கு தொடரப்பட்டுள்ளது.

மதுரை மாவட்டம் மேலூர் தாலுகா எட்டிமங்கலத்தை சேர்ந்தவர் பி.ஸ்டாலின், ஐகோர்ட்டு வக்கீல். இவர் மதுரை ஐகோர்ட்டு கிளையில் பொதுநல வழக்கு ஒன்று தாக்கல் செய்துள்ளார். அதில் கூறி இருப்பதாவது:

சுப்ரீம் கோர்ட்டு நீதிபதிகள், அனைத்து மாநில ஐகோர்ட்டு நீதிபதிகள் தாமாகவே முன்வந்து தங்களது சொத்து கணக்குகளை வெளியிட்டுள்ளனர். இதை பொதுமக்கள் வரவேற்றுள்ளனர். இதே போன்று தமிழகத்தில் பணியாற்றும் அரசு அலுவலர்கள், அதிகாரிகள் தங்களது சொத்து கணக்குகளை வெளியிட உத்தரவிட வேண்டும். தமிழ்நாடு அரசு பணியாளர்கள் நடத்தை விதியில் அரசு அலுவலர்கள் தங்களது பெயரிலோ அல்லது தங்களது குடும்பத்தினர் பெயரிலோ சொத்துக்கள் வாங்கினாலோ அல்லது அவர்கள் பெயரில் உள்ள சொத்துக்களை அடமானம் வைத்தாலோ, விற்பனை செய்தாலோ சொத்து பற்றிய விவரங்களை வெளியிட வேண்டும் என்று கூறப்பட்டுள்ளது.

அதே போன்று நடத்தை விதியில் அரசு அலுவலர், அதிகாரிகள் தங்களது சொத்து கணக்குகளை விருப்பப்பட்டால் வெளியிடலாம் என்று தெரிவிக்கப்பட்டுள்ளது. இந்த நடத்தை விதி 1973 ம் ஆண்டு உருவாக்கப்பட்டது. தற்போது உள்ள சூழ்நிலையில் அரசு அலுவலர்கள், அதிகாரிகள் கண்டிப்பாக சொத்துக் கணக்குகளை வெளியிட வேண்டும் என்று உத்தரவிட்டால் மட்டுமே அவர்கள் வெளியிடுவார்கள்.

தமிழகத்தைப் பொருத்த அளவில் நேர்மையான அதிகாரிகள், அலுவலர்கள் பலர் உள்ளனர். சில அலுவலர்கள், அதிகாரிகள் லஞ்சம் பெற்றுக்கொண்டு பணிகளை மேற்கொள்வதால் ஓட்டு மொத்த அரசு அலுவலர்கள், அதிகாரிகளின் பெயர்களும் கெட்டு விடுகின்றன. அரசுத்துறையில் பணியாற்றும் அடிமட்ட ஊழியர் முதல் உயர்பதவியில் இருக்கும் அதிகாரிகள் வரை லஞ்சம் பெற்றுக்கொண்டு லஞ்ச ஒழிப்பு போலீசாரிடம் மாட்டிக்கொள்வது அன்றாட செய்தித் தாள்களில் வந்த வண்ணம் இருக்கிறது.

லஞ்சம் பெறும் அலுவலர்கள், அதிகாரிகள் சிலர் தந்திரமான முறையில் தப்பித்து வருகின்றனர். சொத்துக்கணக்குகளை கண்டிப்பாக வெளியிட வேண்டும் என்று உத்தரவிடும் போது, சட்டவிரோதமான முறையில் சம்பாதித்த பணத்தை அதிகாரிகள், அலுவலர்களால் மறைக்க முடியாது. இதன் மூலம் லஞ்சம் பெறுவதை ஒழிக்க முடியும்.

சமீபத்தில் நாமக்கல் கலெக்டர் சகாயம் தனது சொத்துக் கணக்குகளை வெளியிட்டார். இதன் மூலம் ஐ.ஏ.எஸ் அதிகாரியின் நேர்மையான செயல்பாட்டை மக்கள் புரிந்து கொள்ள முடிகிறது.

எனவே தமிழகத்தில் பணியாற்றக்கூடிய அனைத்து அலுவலர்கள், அதிகாரிகள் தங்கள் சொத்து கணக்குகளை வெளியிட தகுந்த நடவடிக்கை மேற்கொள்ள வேண்டும் என்று தமிழக தலைமை செயலாளருக்கு 14.11.2009 அன்று மனு அனுப்பினேன். அவர் எந்த நடவடிக்கையும் எடுக்கவில்லை. எனவே நான் அனுப்பிய மனுவை பரிசீலித்து உரிய உத்தரவு பிறப்பிக்க தமிழக தலைமை செயலாளருக்கு உத்தரவிட வேண்டும் என்று மனுவில் கூறப்பட்டு இருந்தது.

இந்த மனு நாளை(7 ந் தேதி) விசாரணைக்கு வரும் என்று எதிர்பார்க்கப்படுகிறது

Read On 0 comments

நடிகை புவனேஸ்வரிக்கு மாநில மகளிர் அணி செயலாளர் பொறுப்பு!

1:47 AM

bhuvaneswari-1

சென்னை: வீட்டில் ஆள் வைத்து விபச்சாரம் செய்ததாக கைது செய்யப்பட்டு தற்போது ஜாமீனில் விடுதலையாகியுள்ள நடிகை புவனேஸ்வரி திடீரென தீவிர அரசியலில் குதித்து விட்டார். ஜாதிக் கட்சியான டாக்டர் சேதுராமனின் மூவேந்தர் முன்னேற்றக் கழகம் கட்சியில் இணைந்துள்ளார். அவருக்கு மாநில மகளிர் அணிச் செயலாளர் பொறுப்பு அளிக்கப்பட்டுள்ளது.

சென்னை அடையாரில் உள்ள தனது வீட்டில் பெண்களை வைத்து விபச்சாரம் செய்து கையும் களவுமாக பிடிபட்டவர் புவனேஸ்வரி. இவரது கைது சம்பவம் மற்றும் அதைத் தொடர்ந்து வெளியான நடிகைகள் குறித்த செய்திகள்  தமிழகத்தில் புயலைக் கிளப்பின.

எந்தெந்த நடிகை உல்லாசத்திற்கு எவ்வளவு வாங்குகிறார் என்ற பட்டியல் தன்னிடம் இருப்பதாக கூறி அதை போலீஸாரிடம் புவனேஸ்வரி தெரிவித்ததாகவும், வயிற்றுப் பிழைப்புக்காக விபச்சாரம் செய்த தன்னை கைது செய்தது நியாயமில்லை என்று கூறி புவனேஸ்வரி புலம்பியதாகவும் செய்திகள் வெளியாகின.

தற்போது புவனேஸ்வரி ஜாமீனில் விடுதலையாகியுள்ளார். இந்த நிலையில் நேற்று திடீரென அரசியலில் குதித்து விட்டார் புவனேஸ்வரி.

மூவேந்தர் முன்னேற்றக் கழகத்தில் அவர் சேர்ந்துள்ளார். அக்கட்சியின் நிறுவனரான டாக்டர் சேதுராமன் முன்னிலையில், கட்சியில் இணைந்தார்.

இதுகுறித்து புவனேஸ்வரியின் வக்கீல்கள் டி.ரமேஷ், காமேஸ்வரராவ் கூட்டாக வெளியிட்டுள்ள அறிக்கையில்,

திரைப்பட மற்றும் டி.வி. நடிகை டி.புவனேஸ்வரி, மூவேந்தர் முன்னேற்ற கழகத்தில், கட்சியின் தலைவர் டாக்டர் சேதுராமன் முன்னிலையில் இணைந்தார்.

சென்னை தியாகராயநகரில் உள்ள அலுவலகத்தில் டாக்டர் சேதுராமனுக்கு அப்போது மாலை அணிவித்தார். நடிகை டி.புவனேஸ்வரிக்கு மூவேந்தர் முன்னேற்ற கழகத்தின் மாநில மகளிர் அணி செயலாளராக பொறுப்பு வழங்கப்பட்டது என்றனர்.

முன்பு அதிமுகவுக்கு ஆதரவாக இருந்து வந்தார் புவனேஸ்வரி. தேர்தல் பிரசாரத்திலும் கூட ஈடுபட்டிருந்தார். இந்த நிலையில் விபச்சாரத்தில் ஈடுபட்டு கைதான பின்னர் தற்போது மூவேந்தர் முன்னேற்றக் கழகத்தில் அவர் இணைந்துள்ளார்

இப்ப என்ன செய்வீங்க …  இப்ப என்ன செய்வீங்க …

Read On 0 comments

லஞ்சம் இல்லாத இந்தியா?

1:02 AM

indian-currency

தினகரன் தலையங்கம்

‘இந்தியா லஞ்ச ஊழலில் திளைக்கும் நாடு என்றுதான் உலகமும் பார்க்கிறது. அணுகுண்டு வைத்திருக்கிறோம், ஆஸ்கர் விருது பெற்றுள்ளோம், ஆண்டுக்கு ஏழெட்டு சதவீத பொருளாதார வளர்ச்சி காண்கிறோம், ஐந்து வருடத்துக்கு ஒரு தடவை தேர்தல் நடத்தி அதிசயிக்க வைக்கிறோம்.. ஆனாலும் இந்த அவமானம் நம்மை விட்டு போவேனா என்கிறது. உலக அளவில் 180 நாடுகளில் நடத்திய ஆய்வில் இந்தியா 84வது இடத்தில் இருக்கிறதாம். ஓட்டப் பந்தயத்தில் அத்தனாவது இடத்தில் வந்தால் வேடிக்கை பார்க்கக்கூட எவரும் மிச்சமிருக்க மாட்டார்கள். டிரான்ஸ்பரன்சி இன்டர்நேஷனல் நிறுவனம் இந்த ஆய்வை நடத்துகிறது. சென்ற ஆண்டு நமக்கு 85ம் இடம். அதற்கு முன்னால் 72. நாடாளுமன்ற வாக்கெடுப்பில் கத்தை கத்தையாக கரன்சி நோட்டுகள் கைமாறிய விவகாரத்தால் தடாலென்று 13 படி சறுக்கினோம். அரசு துறைகளில் பொதுமக்கள் சம்பந்தப்பட்ட வேலைகள் எப்படி முடித்துக் கொடுக்கப்படுகிறது என்பதை அளவுகோலாக வைத்து ஆய்வு நடத்தப்படுகிறது.


அதில் மொத்தம் 13 குறியீடுகள். அதிகாரிகளின் நேர்மை ஒரு குறியீடு. லஞ்சம் வாங்காமல் வேலையை முடித்து தருவதாக ஆய்வில் பங்கேற்ற அனைவரும் தெரிவித்தால் முழு மதிப்பெண் போடப்படும். இந்த விஷயத்தில் இந்தியா பெற்றுள்ளது 10க்கு 3.4 மட்டுமே. பக்கத்தில் உள்ள குட்டி நாடு பூடான் 5 மார்க் வாங்கியுள்ளது. தனியார் துறை ஊழல்கள் இந்த கணக்கில் வராது. உலகிலேயே லஞ்சம் குறைந்த நாடு நியூசிலாந்து. அடுத்து டென்மார்க், அப்புறம் சிங்கப்பூர். இம்மூன்றும் 9க்கு மேல் பெற்றுள்ளன. இந்தியாவில் லஞ்சம் தலைவிரித்து ஆடும் துறைகளில் முதன்மையானது காவல் துறை. லஞ்சம் குறைந்தது பள்ளிக் கல்வித் துறை. ஊழல் மிகுந்த மாநிலம் என்ற பெருமையை பெறுவது பீகார். அடுத்து வருவது காஷ்மீர், மத்திய பிரதேசம். அரசுப் பணிகளை கணினி மயமாக்கியதால் லஞ்சம் பெரிய அளவில் குறைந்துவிடவில்லை என்று அகமதாபாத் ஐஐஎம் நடத்திய ஆய்வு சுட்டிக் காட்டுகிறது. ஏனென்றால் அந்த கணினிகளை கையாள்வது மனிதர்கள். அவர்களுக்கு பதில் ரோபோக்களை நியமித்து அரசு எந்திரத்தை உண்மையிலேயே எந்திரமாக்கினால் இந்தியாவும் அதிக மதிப்பெண் பெற வாய்ப்பு இருக்கிறது.

Read On 0 comments

நீதிபதி தினகரன் பதவி உயர்வு: சட்ட அமைச்சகம் நிராகரிப்பு

9:16 AM

25-pd-dinakaran-200

புதுடில்லி : கர்நாடக ஐகோர்ட் தலைமை நீதிபதி தினகரனை, சுப்ரீம் கோர்ட் நீதிபதியாக நியமிக்கும்படி சுப்ரீம் கோர்ட் நீதிபதிகள் குழு அளித்த பரிந்துரையை மத்திய அரசு நிராகரித்து விட்டது.நீதிபதி தினகரன் மற்றும் அவரின் குடும்பத்தினருக்கு எதிராக நில அபகரிப்பு குற்றச் சாட்டு கூறப்பட்டுள்ளதால், அவருக்கு பதவி உயர்வு அளிப்பதை மறுபரிசீலனை செய்யும்படியும், சுப்ரீம் கோர்ட் குழுவை மத்திய அரசு கேட்டுக் கொண்டுள்ளது.

இது தொடர்பாக சட்ட அமைச்சக அதிகாரிகள் கூறியதாவது:சுப்ரீம் கோர்ட் நீதிபதிகளாக நியமிக்க பரிந்துரைக்கப்பட்ட ஐகோர்ட் தலைமை நீதிபதிகள் பட்டியலில், கர்நாடக ஐகோர்ட் தலைமை நீதிபதி தினகரன் பெயரையும் சேர்த்து சுப்ரீம் கோர்ட் நீதிபதிகள் குழு மத்திய சட்ட அமைச்சகத்திற்கு பரிந்துரை செய்திருந்தது.ஆனால், இதை ஏற்க சட்ட அமைச்சகம் மறுத்து விட்டது. உளவுத்துறை, திருவள்ளூர் மாவட்ட கலெக்டர் உட்பட பல தரப்பிலும் நடத்தப்பட்ட விசாரணையில், நீதிபதி தினகரன் மீதான நில அபகரிப்பு குற்றச்சாட்டுக்கள் உண்மை என தெரியவந்துள்ளதால், அவருக்கு பதவி உயர்வு அளிக்க வாய்ப்பு இல்லை என, தெரிவித்து விட்டது.தினகரன் தொடர்பான பைலையும் தலைமை நீதிபதிக்கே திருப்பி அனுப்பி விட்டது. நீதிபதி தினகரன் விவகாரத்தில், மேலும் விசாரணை நடத்த வேண்டிய அவசியம் இல்லை என்றும் கூறியுள்ளது.இவ்வாறு சட்ட அமைச்சக அதிகாரிகள் கூறியுள்ளனர்.

இந்த விவகாரம் தொடர்பாக மத்திய சட்ட அமைச்சர் வீரப்ப மொய்லியிடம் கருத்து கேட்க முற்பட்ட போது, அவர் கருத்து தெரிவிக்க மறுத்து விட்டார்

Read On 1 comments

"என் வாழ்க்கையே எனது செய்தி"

Blog Archive


Followers